- Auglýsing -
Sara Dögg Hjaltadóttir hefur skrifað undir þriggja ára samning við Val og gengur til liðs við félagið í sumar frá norska 1. deildarliðinu Gjerpen HK Skien.
Sara Dögg er uppalin í Fjölni en fór ung út til Noregs og gekk í raðir Kongsvinger. Þaðan flutti hún sig yfir til Volda og nú síðast til Gjerpen fyrir ári.
Sara hefur leikið bæði með U15 og U17 ára landsliðum Íslands ásamt því að vera valin í B-landsliðið í nóvember og leika með því þrjá leiki.
„Ég er gífurlega ánægð að hafa skrifað undir hjá Val. Valur er með frábæra aðstöðu og metnaðarfullan leikmannahóp sem ég hlakka til að koma inn í. Ég tel þetta vera frábært skref fyrir mig á mínum ferli og er spennt fyrir framhaldinu,“ er haft eftir Söru Dögg í fréttatilkynningu frá handknattleiksdeild Vals.
- Auglýsing -
