Gidsel fór hamförum þegar Viktor og félagar fóru áfram

Viktor Gísli Hallgrímsson markvörður GOG. Mynd/GOG

Viktor Gísli Hallgrímsson og félagar í danska liðinu GOG komust í dag í aðra umferð Evrópudeildarinnar í handknattleik með 11 marka sigri á Celje Lasko frá Slóveníu, 36:25. Leikið var í Danmörku og þurfti GOG að vinna upp fjögurra marka tap frá fyrri leiknum, 33:29. Það tókst auðveldlega, ekki síst fyrir stórleik danska landsliðsmannsins Mathias Gidsel.


Gidsel skoraði 13 mörk í 13 skotum auk þess að eiga átta stoðsendingar. Honum héldu engin bönd. Ekki spillti fyrir að norski landsliðsmarkvörðurinn Torbjörn Bergerud varði afar vel, alls 15 skot, 38% hlutfallsmarkvarsla. Viktor Gísli kom svo að segja ekkert við sögu í leiknum.

- Auglýsing -

Nýjustu fréttir

- Auglýsing -