Viggó Kristjánsson landsliðsmaður í handknattleik og leikmaður Stuttgart er nú orðaður við Leipzig. Mynd/EPA

Viggó Kristjánsson, landsliðsmaður í handknattleik og leikmaður þýska liðsins Stuttgart, er hópi starfsmanna karlaliðs Gróttu í kvöld en liðið glímir þessa stundina við FH í annarri umferð Olísdeildar karla í handknattleik í Kaplakrika.


Viggó er staddur hér á landi þessa dagana vegna þess að hann er ekki leikfær eftir að hafa fingurbrotnað fáeinum dögum fyrir fyrsta leik Stuttgart í þýsku 1. deildinni snemma í þessum mánuði.


Viggó er hinsvegar mikill Gróttumaður og lék bæði handknattleik og knattspyrnu áður en hann fór utan í atvinnumennsku fyrir rúmum fimm árum. Honum rennur því blóðið til skyldunnar að miðla af reynslu sinni og aðstoða lið sitt þegar hann er heima og kappleikur stendur fyrir dyrum.

Viggó Kristjánsson t.v. á varamannabekk Gróttu í Kaplakrika í kvöld. Mynd/J.L.Long
- Auglýsing -

Nýjustu fréttir

- Auglýsing -