Grótta og ungmenni ÍBV fögnuðu sigrum

Mynd/Egill Bjarni Friðjónsson

Grótta og ungmennalið ÍBV unnu viðureignir sína í Grill66-deild kvenna í handknattleik í dag. Grótta sótti stigin tvö í TM-höllina í Garðabæ þar sem liðið lagði ungmennalið Stjörnunnar, 32:24. Í Dalhúsum jók ungmennalið ÍBV á raunir neðsta liðsins, Fjölnis/Fylkis og vann með tíu marka mun, 30:20, eftir að hafa verið átta mörkum yfir í hálfleik, 16:8.


Ungmennalið ÍBV færðist upp að hlið ungmennaliðs Stjörnunnar með sigrinum í Dalhúsum. Fjölnir/Fylkir rekur lest ellefu liða með stigin sín tvö.


Mörk Fjölnis/Fylkis: Ada Kozicka 7, Hrafnhildur Irma Jónsdóttir 6, Sara Lind Stefánsdóttir 2, Elsa Karen Þorvaldsdóttir Sæmundsen 2, Erla María Magnúsdóttir 2, Svava Lind Gísladóttir 1.

Mörk ÍBV U.: Ólöf María Stefánsdóttir 7, Sara Dröfn Richardsdóttir 6, Lina Cardell 4, Aníta Björk Valgeirsdóttir 4, Ingibjörg Olsen 3, Amelía Dís Einarsdóttir 3, Bríet Ómarsdóttir 2, Ólöf Maren Bjarnadóttir 1.

Grótta tók öll völd strax í upphafi leiksins við ungmennalið Stjörnunnar. Tíu mörkum skakkaði á liðunum þegar fyrri hálfleikur var að baki, 17:7.
Grótta er í áttunda sæti deildarinnar með átta stig eins og Víkingur en á leik til góða á Forssvogsliðið.


Mörk Stjörnunnar U.: Sonja Lind Sigsteinsdóttir 7, Birta María Sigmundsdóttir 4, Hanna Guðrún Hauksdóttir 4, Adda Sólbjört Högnadóttir 4, Thelma Dögg Einarsdóttir 1, Thelma Lind Victorsdóttir 1, Brynja Sævarsdóttir 1, Thelma Sif Sófusdóttir 1, Viktoría Georgsdóttir 1.

Mörk Gróttu: Katrín Anna Ásmundsdóttir 7, Jónína Líf Gísladóttir 7, Katrín Helga Sigurbergsdóttir 6, Rut Bernódusdóttir 4, Hrafnhildur Hekla Grímsdóttir 3, Dagný Lára Ragnarsdóttir 2, Valgerður Helga Ísaksdóttir 2, Kartrín Scheving 1.


Stöðuna og næstu leiki í Grill66-deild kvenna má sjá hér.

- Auglýsing -

Nýjustu fréttir

- Auglýsing -