Guðjón Valur hefur framlengt til ársins 2025

Guðjón Valur Sigurðsson þjálfari þýska handknattleiksliðsins Gummersbach. Mynd/Vfl Gummersbach, Facebook

Guðjón Valur Sigurðsson, þjálfari þýska 2. deildarliðsins Gummersbach, hefur framlengt samning sinn um þjálfun liðsins til ársins 2025. Félagið greindi frá þessu í kvöld eftir að lið þess vann Bietigheim með sjö marka mun, 32:25, á heimavelli í 14. umferð 2. deildar.

Guðjón Valur tók við þjálfun Gummersbach sumarið 2020 eftir að hafa ákveðið að hætta að leika handknattleik eftir afar glæsilegan feril. Undir stjórn Guðjón Vals var Gummersbach hársbreidd frá að fara upp úr 2. deild í vor sem leið. Nú um stundir er Gummerbach efst og með fjögurra stiga forskot, 24 stig eftir 14 leiki.

- Auglýsing -

Nýjustu fréttir

- Auglýsing -