Guðmundur er sagður hættur hjá MT Melsungen

Guðmundur Þórður Guðmundsson, þjálfari MT Melsungen. Mynd/MT Melsungen

Guðmundur Þórður Guðmundsson landsliðsþjálfari í handknattleik karla er sagður hættur þjálfun þýska 1. deildarliðsins MT Melsungen. Frá þessu er greint á vefsíðunni handballleaks á Instagram.

Melsungen hefur ekki staðfest brotthvarf Guðmundar Þórðar.


Þar segir ennfremur að Svíinn Robert Hedin taki við starfi Guðmundar hjá Melsungen.

Guðmundur Þórður tók við þjálfun MT Melsungen í byrjun mars 2020. Undir hans stjórn komst liðið í úrslit þýsku bikarkeppninnar í vor en tapaði úrslitaleiknum.

Eftir þrjár umferðir í þýsku 1.deildinni á leiktíðinni hefur Melsungen aðeins önglað í eitt stig eftir þrjá erfiða leiki gegn sterkum andstæðingum.

Uppfært: Af gefnu tilefni þá fylgir hér hlekkur á frétt í staðarmiðli í Þýskalandi sem birtist áður en frétt handbolta.is fór í loftið í kvöld.

- Auglýsing -

Nýjustu fréttir

- Auglýsing -