Guðrún Jenný til liðs við Víking

Guðrún Jenný Sigurðardóttir er nýjasti liðsmaður Víkings. Mynd/Víkingur

Haldið er áfram að styrkja kvennalið Víkings í handknattleik fyrir átökin í Grill66-deildinni á næsta keppnistímabili. Í gær skrifaði Guðrún Jenný Sigurðardóttir undir samning við Fossvogsliðið. Hún var síðast leikmaður Hauka í Hafnarfirði.


Guðrún er 26 ára gamall línumaður sem hefur á sínum ferli leikið með Fjölni og Fram auk Hauka sem áður er getið. Hún hefur skorað 270 mörk á sínum ferli í tveimur efstu deildum handknattleiksins og býr yfir kærkominni reynslu.


„Guðrún er frábær viðbót við þann spennandi hóp sem verið er að byggja upp hjá handknattleiksdeild Víkings og horfum við björt fram á veginn,“ segir m.a. í tilkynningu frá handknattleiksdeild Víkings.

- Auglýsing -

Nýjustu fréttir

- Auglýsing -