- Auglýsing -

Gunnar fer með Gróttu upp um deild

Gunnar Gunnarsson þjálfari Gróttu t.v. ásamt Þóru Maríu Sigurjónsdóttur, nýjum leikmanni Gróttu. Mynd/Grótta

Eftir nokkurra ára veru í Grill66-deild kvenna þá mun Grótta taka sæti í Olísdeildinni að ári liðnu gangi spá þjálfara og forráðamanna liða Grill66-deildarinnar eftir. Í henni er Gróttu, undir stjórn Gunnars Gunnarssonar, spáð sigri í deildinni sem verður með níu liðum og hefst föstudaginn 23. september. Gunnar tók við þjálfun Gróttu í sumar eftir að hafa gert það gott með Hauka um tveggja ára skeið.


Afturelding, sem féll úr Olísdeildinni, í vor hafnar í öðru sæti gangi spáin eftir. Þar á eftir koma Víkingur, ÍR og FH í þessari röð.


Niðurstaða spárinnar, sem fyrst og síðast er gerð til gamans, var birt í hádeginu í dag á kynningarfundi fyrir Olís- og Grill66-deildirnar. Röð liðanna var þessi:


1. Grótta 170 stig.
2. Afturelding 162 stig.
3. Víkingur 139 stig.
4. ÍR 130 stig.
5. FH 127 stig.
6. HKU 71 stig.
7. Valur U 65 stig.
8. Fram U 55 stig.
9. Fjölnir/Fylkir 50 stig.


Leikir 1. umferðar 23. og 25. september:
Víkingur – Fjölnir/Fylkir.
Grótta – Valur U.
ÍR – HK U.
Fram U – FH.

Leikjadagskrá Grill66-deildar kvenna.

- Auglýsing -
- Auglýsing -

Nýjustu fréttir

- Auglýsing -