Gunnar semur við Víking til tveggja ára

Gunnar Valdimar Johnsen verður í herbúðum Víkinga næstu tvö ár. Mynd/Víkingur

Gunnar Valdimar Johnsen hefur skrifað undir tveggja ára samning við Víking og hyggst þar með taka slaginn með liðinu í Grill66-deildinni á næsta tímabili.


Gunnar er 24 ára gamall og leikur sem miðjumaður og einnig skytta. Hann gekk til liðs við Víking á miðju nýliðnu tímabili frá ÍR. Tók hann þátt í níu leikjum í Olísdeildinni og skoraði 19 mörk.


Gunnar hefur einnig leikið með Stjörnunni, þar sem hann var lengi vel. Einnig var Gunnar í herbúðum Akureyri handboltafélags eitt tímbil áður en slitnaði upp úr samstarfi KA og Þórs.


Mikill hugur er í Víkingum þrátt fyrir að lið þeirra hafi fallið úr Olísdeildinni á dögunum eins og m.a. kom fram í viðtali handbolta.is við Jóhann Reyni Gunnlaugsson fyrirliða sem birtist fyrr í vikunni.

- Auglýsing -

Nýjustu fréttir

- Auglýsing -