Halldór lánaður frá Haukum

Halldór Ingi Jónasson skoraði fimm mörk gegn Aftureldingu í dag. Mynd/Haukar

Örvhenti hornamaðurinn Halldór Ingi Jónasson hefur verið lánaður til Aftureldingar frá Haukum, næstu tvo mánuði. Þetta hefur handbolti.is eftir heimildum.

Halldór Ingi, sem er nýlega stiginn upp úr meiðslum, á að fylla skarð Guðmundar Árna Ólafssonar sem fingurbrotnaði á dögunum og verður frá keppni um skeið. Halldór Ingi verður klár í slaginn með Mosfellingum annað kvöld þegar Afturelding mætir nýliðum Þórs frá Akureyri að Varmá klukkan 19.30 í fyrsta leik liðanna í Olísdeildinni.

Haukar eru vel settir með örvhenta hornamenn. Brynjólfur Snær Brynjólfsson er kominn á fulla ferð á nýjan leik eftir meiðsli og með honum eru yngri leikmenn sem geta lagt honum lið.

- Auglýsing -

Nýjustu fréttir

- Auglýsing -