- Auglýsing -

Haukar gerðu það gott í Eyjum

Karen Helga Dírönudóttir, leikmaður Hauka. Mynd /Haukar

Haukar gerðu sér lítið fyrir og lögðu ÍBV í Vestmannaeyjum í kvöld með þriggja marka mun, 30:27, í Olísdeild kvenna í handknattleik eftir að hafa verið þremur mörkum yfir að loknum fyrri hálfleik, 18:15. Haukar eru þar með komnir upp í sjötta sæti sæti deildarinnar með sex stig að loknum sjö leikjum, stigi á eftir ÍBV-liðinu sem hefur ekki náð sér á strik og tapað þremur af fjórum leikjum sínum eftir að keppni hófst aftur á nýju ári. Þar af hefur ÍBV tapað tveimur leikjum á heimavelli.


ÍBV byrjaði leikinn betur í Vestmannaeyjum í kvöld en Haukaliðið var aldrei langt undan. Þegar kom fram yfir miðjan hálfleikinn skaust Hauka-liðið framúr og var með yfirhöndina í hálfleik, 18:15.


Áfram voru Haukar með frumkvæðið framan af síðari hálfleik gegn slakri vörn og markvörslu ÍBV-liðins. Heimaliðið jafnaði metin, 22:22, þegar síðari hálfleikur var nærri hálfnaður. Eftir það var jafnt á metum og ÍBV komst yfir, 25:24, og aftur 26:25, þegar um fjórar mínútur voru til leiksloka.

Á lokakaflanum fór allt í skrúfuna hjá ÍBV. Haukar nýttu sér það til hins ítrasta og unnu verðskuldaðan sigur og fremur óvæntan.


Mörk ÍBV: Sunna Jónsdóttir 6, Hrafnhildur Hanna Þrastardóttir 4, Lina Cardell 4, Harpa Valey Gylfadóttir 3, Elísa Elíasdóttir 3, Birna Berg Haraldsdóttir 3, Ásta Björt Júlíusdóttir 3/2, Karolina Olszowa 1.
Varin skot: Marta Wawrzynkowska 12, 33% – Daija Zecevic 3, 33%.


Mörk Hauka: Rakel Oddný Guðmundsdóttir 5, Sara Odden 5, Ragnheiður Ragnarsdóttir 4, Elín Klara Þorkelsdóttir 3, Guðný Jenný Sigurðardóttir 2, Hekla Rún Ámundadóttir 2, Karen Helga Díönudóttir 2, Emilia Katrín Matthíasdóttir 2, Rhelma Melsted Björgvinsdóttir 1.
Varin skot: Annika Friðheim Petersen 13, 33%.


Tölfræði er fengin hjá vísir.is.

- Auglýsing -
- Auglýsing -

Nýjustu fréttir

- Auglýsing -