Heldur tryggð við Víkina

Arna Þyrí Ólafsdóttir fagnar í leik með Víkingi í vetur. Mynd/Víkingur

Arna Þyrí Ólafsdóttir hefur skrifað undir nýjan tveggja ára samning við Víking sem leikur í Grill66-deild kvenna í handknattleik. Hún hefur leikið með liði félagsins undangengin tvö og verið helsta kjölfesta þess og lagt lóð á vogarskál uppbyggingar og framfara sem átt hafa sér stað hjá meistaraflokksliði Víkinga á síðustu tveimur keppnistímabilum.


Arna Þyrí hefur skorað 232 mörk fyrir Víking á þessum tveimur tímabilum sem hún hefur verið hjá okkur. Þar af skoraði Arna Þyrí 107 mörk í 19 leikjum Grill66-deildar kvenna í vetur og varð næst markahæst leikmanna Víkings og sú sjöunda markahæsta í deildinni.


Arna Þyrí er 25 ára gömul og ólst upp í Vestmannaeyjum. Hún á að baki 99 leiki í Olís deild kvenna fyrir ÍBV, Fram, Stjörnuna og Fjölni. Einnig lék hún með yngri landsliðum Íslands.

- Auglýsing -

Nýjustu fréttir

- Auglýsing -