HK er Íslandsmeistari í 3. flokki kvenna

Íslandsmeistarar HK í 3. flokki kvenna. Aftari röð f.v.: Eva Hrund Harðardóttir, aðstoðarþjálfari, Margrét Guðmundsdóttir, Embla Steindórsdóttir, Amelía Laufey Miljevic, Jóhanna Lind Jónasdóttir, Hekla Fönn Vilhelmsdóttir, Katrín Hekla Magnúsdóttir, Leandra Náttsól Salvamoser, Kristín Guðmundsdóttir, þjálfari. Fremri röð f.v. Inga Dís Jóhannsdóttir, Alfa Brá Oddsdóttir Hagalín, Aníta Eik Jónsdóttir, Elísa Helga Sigurðardóttir, Ethel Gyða Bjarnasen, Anna Valdís Garðarsdóttir. Fremst er Telma Medos. Mynd/HSÍ

HK hrósaði sigri í 3. flokki kvenna eftir sigur á Haukum í úrslitaleik um Íslandsmeistaratitilinn í handknattleik að Varmá í Mosfellsbæ í dag, 31:25. Haukar, sem eru bikarmeistarar í þessum aldursflokki, voru með tveggja marka forskot, 14:12, að loknum fyrri hálfleik eftir að HK hafði skorað tvö síðustu mörkin í hálfleiknum.


Haukar byrjuðu afar vel og voru m.a. yfir, 10:4. HK greip til þess ráðs í síðari hálfleik að taka tvo leikmenn Hauka úr umferð, Elínu Klöru Þorkelsdóttur og Natösju Hammar. Bragðið heppnaðist afar vel. HK sneri leiknum sér í hag og vann kærkominn sigur sem var ákaft fagnað.

Ethel Gyða Bjarnasen, markvörður HK, leikmaður úrslitaleiksins í 3. flokki kvenna. Mynd/HSÍ


Ethel Gyða Bjarnasen, markvörður HK, var valin besti leikmaður úrslitaleiksins. Hún átti drjúgan þátt í að HK tókst að snúa vörn í sókn.


Mörk Hauka: Natasja Hammer 7, Elín Klara Þorkelsdóttir 6, Rakel Oddný Guðmundsdóttir 4, Hildur Sóley Káradóttir 3, Thelma Björgvinsdóttir Melsteð 3, Rósa Kristín Kemp 1, Þóra Hrafnkelsdóttir 1.
Mörk HK: Embla Steindórsdóttir 9, Alfa Brá Oddsdóttir Hagalín 5, Jóhanna Lind Jónasdóttir 5, Anna Valdís Garðarsdóttir 3, Inga Dís Jóhannsdóttir 3, Margrét Guðmundsdóttir 3, Aníta Eik Jónsdóttir 2, Telma Medos 1.


Leikmenn Íslandsmeistaraliðs HK eru: Elísa Helga Sigurðardóttir, Ethel Gyða Bjarnasen, Telma Medos, Embla Steindórsdóttir, Amelía Laufey Miljevic, Jóhanna Lind Jónasdóttir, Anna Valdís Garðarsdóttir, Hekla Fönn Vilhelmsdóttir, Aníta Eik Jónsdóttir, Inga Dís Jóhannsdóttir, Margrét Guðmundsdóttir, Katrín Hekla Magnúsdóttir, Leandra Náttsól Salvamoser, Alfa Brá Oddsdóttir Hagalín.
Þjálfari er Kristín Guðmundsdóttir og með henni er Eva Hrund Harðardóttir.

Silfurlið Hauka á Íslandsmótinu í handknattleik kvenna, 3. flokkur. Mynd/HSÍ
- Auglýsing -

Nýjustu fréttir

- Auglýsing -