HK gefur ekkert eftir

Elías Már Halldórsson kveður nú HK sem Olísdeildarlið. Mynd/Fjölnir, Þorgils G.

Leikmenn HK gefa ekkert eftir í kapphlaupinu við Víkinga um efsta sæti Grill 66-deildar karla í handknattleik. Í kvöld fóru HK-ingar austur á Selfoss og sóttu tvö stig í greipar ungmennaliðs Selfoss í Hleðsluhöllinni. Lokatölur, 25:17, eftir að HK var með fimm marka forskot að loknum fyrri hálfleik, 14:9.


HK hefur þar með 16 stig í efsta sæti að loknum 10 leikjum. Víkingar hafa einnig 16 stig en eiga leik til góða á HK-menn. Fjölnir er skammt á eftir með 14 stig eins og fjallað var um í annarri grein á handbolti.is í kvöld. Það stefnir í mikið kapphlaup milli þessara þriggja liða um efsta sæti deildarinnar sem veitir þátttökurétt í Olísdeildinni á næstu leiktíð.


Mörk Selfoss U.: Hannes Höskuldsson 5, Arnór Logi Hákonarson 3, Guðjón Baldur Ómarsson 3, Vilhelm Freyr Steindórsson 3, Sölvi Svavarsson 2, Sæþór Atlason 1.
Mörk HK: Einar Pétur Pétursson 5, Kristján Ottó Hjálmsson 5, Einar Bragi Aðalsteinsson 4, Hjörtur Ingi Halldórsson 4, Kristján Pétur Barðason 2, Símon Michael Guðjónsson 2, Kristófer Andri Daðason 1, Kári Tómas Hauksson 1, Sigurður Jefferson Guarino 1.

Staðan í Grill 66-deildunum.

- Auglýsing -

Nýjustu fréttir

- Auglýsing -