- Auglýsing -

HM: Endurtekur norska landsliðið leikinn frá EM2020?

Leikmenn norska landsliðsins fagna eftir sigur á Spánverjum í undanúrslitum á HM á föstudagskvöld. Mynd/EPA

Í dag verður leikið til úrslita á heimsmeistaramóti kvenna í handknattleik í Granolles á Spáni.

Ólympíumeistarar Frakka fagna eftir ævintýralegan sigur á danska landsliðinu í undanúrslitum HM. Mynd/EPA
  • Klukkan 13.30 mætast í leik um 3. sæti, Danmörk og Spánn.
  • Klukkan 16.30 kljást Frakkland og Noregur um heimsmeistaratitilinn.
  • Fyrri leikurinn verður sýndur á aðalrás RÚV en úrslitaleikurinn á RÚV2.
  • Frakkland og Noregur er taplaus á mótinu. Franska landsliðið hefur unnið allar átta viðureignir sína. Norska landsliðið hefur unnið sjö leiki en gert eitt jafntefli, 30:30, við Svíþjóð.
  • Frakkland hefur fimm sinnum unnið til verðlauna á HM kvenna frá 1999, tvenn gullverðlaun og þrenn silfurverðlaun. Síðast vann Frakkland heimsmeistaratitilinn 2017 þegar mótið var haldið í Þýskalandi.
  • Noregur hefur tíu sinnum unnið til verðlauna á HM kvenna, þrenn gullverðlaun, fern silfurverðlaun og þrenn bronsverðlaun.

  • Frakkland og Noregur léku til úrslita á HM 2017. Frakkar höfðu betur, 23:21.
  • Hvernig sem úrslitaleikur Frakklands og Noregs fer í dag er öruggt að Þórir Hergeirsson, landsliðsþjálfari Noregs, vinnur til sinna 13. verðlauna á stórmóti síðan hann tók við sem aðalþjálfari norska kvennalandsliðsins af Marit Breivik árið eftir HM í Kína 2009.
  • Noregur vann Frakkland, 22:20, í úrslitaleik Evrópumóts kvenna fyrir réttu ári.

  • Frakkar urðu Ólympíumeistarar í sumar. Noregur hafnaði í þriðja sæti.
  • Vinni norska landsliðið heimsmeistaratitilinn í dag jafnar það met Rússa sem oftast hafa unnið keppnina, fjórum sinnum.
- Auglýsing -
- Auglýsing -

Nýjustu fréttir

- Auglýsing -