- Auglýsing -

HM: Fjörtíu marka sigur heimsmeistaranna

Hollendingurinn Danick Snelder að skora eitt af 55 mörkum hollenska landsliðsins í kvöld. Mynd/EPA

Heimsmeistarar Hollands hófu titilvörn sína á heimsmeistaramótinu í handknattleik kvenna á Spáni í kvöld með sannkallaðri flugeldasýningu. Hollenska liðið vann landslið Púertó Ríkó með 40 marka mun, 55:15 eftir að hafa verið 17 mörkum yfir í hálfleik, 23:6. Þetta er sömu úrslit og voru í upphafsleik Íslands og Ástralíu á HM í Portúgal 2003, 55:15.

Frakkland lagði Angóla með 10 marka mun í jafnast leik dagsins í til þessa, 30:20, en liðin leika í A-riðli. Í fyrsta leiknum í B-riðli lögðu Rússar liðsmenn landsliðs Kamerún með 12 marka mun, 30:18. Í C-riðli fór rúmenska landsliðið vel af stað og lagði landslið Írans með 28 marka mun, 39:11.

Noregur og Kasakstan eru einnig í riðlinum og leiða þjóðirnar saman hesta sína klukkan 19.30.

Eftirtaldir leikir verða á dagskrá á HM síðar í kvöld:
A: 19.30 Svartfjallaland – Slóvenía – sýndur á RÚV2.
B: 19.30 Serbía – Pólland.
C: 19.30 Noregur – Kasakstan.
D: 19.30 Svíþjóð – Úsbekistan.

- Auglýsing -
- Auglýsing -

Nýjustu fréttir

- Auglýsing -