- Auglýsing -

Hópsmit hjá kvennaliði ÍBV

Mynd/Þóra Sif Kristinsdóttir

Það blæs ekki byrlega hjá handknattleiksliði ÍBV í handknattleik um þessar mundir eftir kórónuveiran knúði dyra í herbúðum liðsins. Hópsmit er komið upp. Ekki færri en átta leikmenn leikmenn liðsins greindust smitaðir af veirunni í dag samkvæmt heimildum handbolta.is.


Ekki er hægt að útiloka að smit greinist hjá fleiri leikmönnum á næstunni þar sem leikmannahópurinn verið mikið saman undanfarna viku. Væntanlega er um að ræða niðurstöðu úr landamæraskimun.


ÍBV lék um síðustu helgi tvo leiki í Málaga á Spáni í átta liða úrslitum Evrópubikarkeppninnar en komst klakklaust heim til Íslands að þeim loknum þrátt fyrir tafir á heimferð. Í gærkvöld lék ÍBV með fullri sveit gegn Fjölni/Fylki í 16-liða úrslitum Coca Cola-bikar kvenna og vann örugglega.


ÍBV á leik fyrir dyrum gegn KA/Þór Olísdeildinni á miðvikudaginn nyrðra. Er það um að ræða leik sem frestað var fyrir nokkru síðan þegar smit kom upp hjá KA/Þór.

Til viðbótar mætir ÍBV annað hvort FH eða Stjörnunni í átta liða úrslitum Coca Cola-bikarsins á fimmtudaginn. Vegna þess að viðureign FH og Stjörnunnar fer ekki fram fyrr en á mánudaginn er ráðgert að sigurliðið mæti ÍBV í átta liða úrslitum keppninnar á fimmtudag.

- Auglýsing -
- Auglýsing -

Nýjustu fréttir

- Auglýsing -