ÍR endurheimti eitt efsta sætið

Kristinn Björgúlfsson þjálfari ÍR. Mynd/Egill Bjarni Friðjónsson

Rétt í þann mund sem Fjölnismenn renndu sér upp að hlið ÍR í efsta sæti Grill66-deildar karla í handknattleik í gærkvöld voru ÍR-ingar að glíma við ungmennalið Hauka í Austurbergi. ÍR-liðið vann leikinn með fjögurra marka mun, 33:29, og heldur þar með áfram efsta sæti deildarinnar.


Um tíma hélt handbolti.is að leikurinn hefði ekki farið fram í Austurbergi í gær þar sem aldrei þessu vant skilaði leiksýrslan sér ekki frá ÍR í gærkvöld. Hún kom með góðum skilum í morgun og þar með vafamálið úr sögunni.


ÍR er með 26 stig eftir 16 leiki. Fjölnir er tveimur stigum á eftir og á leik til góða. Hörður er í þriðja sæti, fjórum stigum á eftir ÍR og á auk þess tvo leiki til góða. Það hefur síst dregið úr spennunni í toppbaráttu Grill66-deildar karla en eitt lið fer beint upp í Olísdeild í vor en næstu lið á eftir taka þátt í umspili um eitt laust sæti til viðbótar.


Ungmennalið Hauka var þremur mörkum undir að loknum fyrri hálfleik í viðureigninni í Austurbergi í gærkvöld, 16:13.


Mörk ÍR: Ólafur Haukur Matthíasson 8, Viktor Sigurðsson 7, Kristján Orri Jóhannsson 7, Dagur Sverrir Kristjánsson 5, Bjarni Steinn Þórisson 2, Ingólfur Arnar Þorgeirsson 2, Andri Heimir Friðriksson 1, Ólafur Atli Malmquist 1.

Mörk Hauka U.: Kristófer Máni Jónasson 7, Róbert Snær Örvarsson 6, Gísli Rúnar Jóhannsson 4, Birkir Snær Steinsson 3, Jakob Aronsson 2, Sigurður Jónsson 2, Alex Már Júlíusson 1, Lárus Þór Björgvinsson 1, Þórður Þórðarson 1, Þorfinnur Máni Björnsson 1, Össur Haraldsson 1.


Stöðu og næstu leiki í Grill66-deild karla er að finna hér.

- Auglýsing -

Nýjustu fréttir

- Auglýsing -