Janus Daði Smárason í leik með Göppingen. Mynd/Göppingen

Landsliðsmaðurinn í handknattleik, Janus Daði Smárason, verður frá keppni um ótiltekinn tíma eftir því sem félag hans, Göppingen, greinir frá. Janus Daði er meiddur á hægri öxlinni, þeirri sömu og hann gekkst undir aðgerð á í lok janúar á þessu ári.


Janus Daði mun hafa meiðst í fyrri hálfleik í viðureign Göppingen og Melsungen á dögunum þegar hann var hindraður á leið sinni í gegnumbroti.


Í yfirlýsingu Göppingen er svo að skilja að vonir standi til að meiðslin séu ekki alvarleg og á þeim megi vinna bug með æfingum.


Janus Daði fór af þessum sökum ekki með Göppingen til Leipzig en liðin mætast síðdegis í dag í þýsku 1. deildinni.

- Auglýsing -

Nýjustu fréttir

- Auglýsing -