Jón Karl verður frá um skeið

Jón Karl Einarsson, skoraði 13 mörk fyrir ungmennalið Hauka gegn Herði. Mynd/Eyjólfur Garðarsson

Ekkert lát virðist, því miður, vera á fréttum af slæmum axlarmeiðslum handknattleiksmanna. Hinn ungi og efnilegi leikmaður Hauka, Jón Karl Einarsson, verður frá keppni um ótiltekinn tíma eftir að hafa meiðst illa á öxl í leik með U-liði Hauka gegn Víkingi í Grill 66-deild karla fyrir viku.

Aron Kristjánsson, þjálfari Hauka, sagði við handbolta.is í gærkvöld að ekki væri hægt að segja á þessari stundu hversu lengi Jón Karl verði frá keppni af þessum ástæðum. Ástand axlarinnar væri slæmt.

Jón Karl tók þátt í þremur fyrstu leikjum Hauka á þessari leiktíð og skoraði fjögur mörk. Hann var einnig með í 11 leikjum Hauka í Olísdeildinni á síðasta vetri.

Auk Jóns Karl þá eru Einar Rafn Eiðsson, FH, og Ásgeir Snær Vignisson, ÍBV, úr leik næstu mánuði vegna axlarmeiðsla. Þessi þrjú tilfelli má öll skrifa á glannalegan varnarleik.

- Auglýsing -

Nýjustu fréttir

- Auglýsing -