- Auglýsing -

Jón með skondið vítakast – myndskeið

Frá íþróttahöllinni í Skálum. Mynd/STíF

Eitt óvenjulegasta og um leið skondnasta vítakast sem sögur fara af tók Jón L. Rasmussen, leikmaður STíF, í færeysku úrvalsdeildinni á dögunum þegar lið hans mætti H71 á heimavelli,í íþróttahöllinni í Skálum. Víst er að menn gerast ekki öllu svalari í vítaköstum en Jón. Hann er reynslumikill handknattleiksmaður, kominn eitthvað inn á fimmtugsaldur, og reynslan hreinlega lekur af vítakastinu. Sjón er sögu ríkari.

Jón og félagar töpuðu leiknum, 34:17, sem fram fór um miðjan september. Þeir fögnuðu á hinn bóginn um síðustu helgi sínum fyrsta sigri á keppnistímabilinu þegar þeir lögðu Team Klaksvík, 27:19, í íþróttahöllinni í Skálum.

STíF, Stranda ítráttafelag, er í bæjarfélaginu Strendur við Skálafjörð á Austurey, eða Eysturoy upp á færeysku. Austurey er næst stærst Færeyja og sú næst fjölmennasta.

- Auglýsing -
- Auglýsing -

Nýjustu fréttir

- Auglýsing -