Elvar Ásgeirsson kom af krafti til leiks með Nancy í kvöld. Mynd/Nancy

Handknattleiksmaðurinn Elvar Ásgeirsson hefur gengið til liðs við franska handknattleiksliðið Nancy eða Grand Nancy Métropole Handball. Gengið var endanlega frá skiptunum í dag en þau hafa legið í loftinu um nokkurt skeið.

Elvar hefur undanfarin tæp tvö ár leikið með Stuttgart í þýsku 1. deildinni. Hann hefur fengið sig lausan frá félaginu nú þegar.

Nancy er í fjórða sæti frönsku B-deildarinnar um þessar mundir og er í harðri keppni við þrjú lið til viðbótar um sæti í efstu deild á næstu leiktíð. Á dögunum sleit leikstjórnandi Nancy hásin. Þess vegna hefur félagið leitað logandi ljósi að manni til þess að hlaupa í skarðið.

Samningur Elvars við Nancy nær einnig til næsta keppnistímabils. Hann verður gjaldgengur í næsta leik Nancy sem verður á heimavelli á laugardagskvöld gegn Massy Essonne.

Greint er frá félagsskiptunum á Facebook-síðu félagsins í dag.

- Auglýsing -

Nýjustu fréttir

- Auglýsing -