- Auglýsing -

Kveður Álaborg í sumar og rær á ný mið

Sandra Erlingsdóttir landsliðskona og leikmaður EH Aalborg. Mynd/EH Aalborg Support

Sandra Erlingsdóttir, landsliðskona í handknattleik, rær á ný mið í sumar þegar samningur hennar við danska 1. deildarliðið EH Aalborg rennur út. Félagið greindi frá þessu í dag og í framhaldinu staðfesti Sandra við handbolta.is að hún ætli að kveðja Álaborgaraliðið.


Sandra er á sínu öðru keppnistímabili með EH Aalborg. Hún er og hefur verið í lykilhlutveki jafnt í vörn sem sókn og bætt sig mikið á handknattleiksvellinum á þessum tíma. Áður hefur Sandra leikið með ÍBV, Val og Füchse Berlin.


„Það er ekkert staðfest en fer vonandi að skýrast,“ sagði Sandra leyndardómsfull er handbolti.is spurði hvort eitthvað væri fast í hendi hjá henni fyrir næsta keppnistímabil. Ekki er þó ósennilegt að hugur Eyjakonunnar stefni í suðurátt frá Álaborg. Unnusti Söndru, Daníel Þór Ingason landsliðsmaður, leikur með Balingen-Weilstetten í Bæjaralandi Þýskalands.


Sandra var valin besti leikmaður EH Aalborg á síðasta keppnistímabili þegar liðið var nánast hársbreidd frá að vinna sæti í úrvalsdeildinni. Nú um stundir er EH Aalborg í fjórða sæti 1. deildar, nokkuð á eftir þremur efstu liðunum.

- Auglýsing -
- Auglýsing -

Nýjustu fréttir

- Auglýsing -