Landsliðsmenn glíma við meiðsli – ljúka vart tímabilinu

Arnór Þór Gunnarsson t.v. og Oddur Gretarsson, landsliðsmenn í handknattleik og atvinnumenn í handknattleik í Þýskalandi. Mynd/Ívar

Meiðsli hrjá landsliðsmennina Arnór Þór Gunnarsson og Odd Gretarsson um þessar mundir og ljóst að sá síðarnefndi nær ekki að taka þátt í öllum fimm leikjunum sem Balingen-Weilstetten á eftir í þýsku 1. deildinni. Frá þessu greinir Akureyri.net, fréttavefur allra Akureyringar hvar sem þeir eru staddir í heiminum.

„Ég spila ekki meira með í vetur nema hvað ég get farið inn á til að taka víti. Fimm leikir eru eftir af deildinni en gert er ráð fyrir að ég verði í hópnum í næstu tveimur og fari svo undir hnífinn,“ segir Oddur við Akureyri.net í morgun.


Rifa hefur myndast í öðrum kálfa Arnórs Þór með þeim afleiðingum að ekki er útilokað að hann verði að leggjast undir hnífinn á næstunni. Hann segir við Akureyri.net að niðurstöðu sé að vænta hjá lækni Bergischer-liðsins á mánudaginn. Ljóst er að rifan sé meira en slæm tognun.


Nánar er má lesa um þetta á vef Akureyri.net.

- Auglýsing -

Nýjustu fréttir

- Auglýsing -