- Auglýsing -

Lilja fetar í strax í fótspor systur sinnar

Lilja Ágústsdóttir leikur með Val á nýjan leik á næsta keppnistímabili. Mynd/Egill Bjarni Friðjónsson

Lilja Ágústsdóttir hefur skrifað undir tveggja og hálfs árs samning við sænska úrvalsdeildarfélagið Lugi HF og heldur utan á morgun. Fetar hún þar með í fótspor systur sinnar, Ásdísar Þóru, sem samdi við Lugi snemma á síðasta ári.


„Lilja æfði með félaginu núna milli jóla og nýárs og vakti strax áhuga liðsins sem hafði samband við félagið og vildi fá hana til liðsins eftir yfirstandandi leiktíð. En eftir að vinstri hornamaður Lugi varð fyrir því óláni að meiðast lögðu þeir allt kapp á að fá Lilju strax til félagsins og mun hún að öllum líkindum leika sinn fyrsta leik í sænsku deildinni á föstudaginn,“ segir í tilkynningu handknattleiksdeildar Vals.

Lugi sækir Önnereds HK heim til Gautaborgar á föstudaginn í 13. umferð sænsku úrvalsdeildarinnar.


Þrátt fyrir ungan aldur hefur Lilja jafnt og þétt verið að festa sig í sessi í meistaraflokki auk þess sem hún hefur verið burðarás í ungmennaliði Vals í Grill66-deildinni. Lilja var einnig í U18 landsliðinu sem var hársbreidd frá því að komast upp úr undankeppni EMU19 ára landsliða í nóvember.

Ásdís Þóra, systir Lilju, er óðum að jafna sig eftir að hafa slitið krossband á síðasta vori. Hún hefur einu sinni verið í leikmannahópi Lugi eftir áramótin og fer eflaust að taka meiri þátt í leik liðsins innan nokkurra vikna.

Lugi, sem er með bækistöðvar í Lundi, er í þriðja sæti úrvalsdeildarinnar um þessar mundir.

- Auglýsing -
- Auglýsing -

Nýjustu fréttir

- Auglýsing -