- Auglýsing -

Lunde missti fóstur og kemur inn í EM-hóp Noregs

Katrine Lunde markvörður norska landsliðsins. Mynd/EPA

Norska handknattleikssambandið hefur tilkynnt að markvörðurinn þrautreyndi, Katrine Lunde, komi um næstu helgi til móts við norska landsliðið sem tekur þátt í EM í handknattleik. Mótið hefst á fimmtudaginn. Eru tíðindin mjög óvænt þar sem Lunde tilkynnti fyrir nokkrum vikum að hún gæfi ekki kost á sér vegna þess að hún væri barnshafandi.

Því miður missti Lunde fóstrið á dögunum. Hún segist þar með hafa ákveðið að gefa kost á sér í landsliðið sem tekur þátt í EM og leggja sitt af mörkum utan vallar sem innan. Lunde kemur inn í markvarðateymi landsliðsins með Emily Stang Sando og Rikke Granlund.

Lunde stendur á fertugu og hefur leikið í 18 ár með norska landsliðinu alls 299 landsleiki. Á þeim tíma hefur hefur hún unnið til 13 verðlauna á stórmótum með landsliðinu.

Sólberg er enn jákvæð

Silja Solberg, markvörður, fór í þriðja sinn í skimun í morgun og þar kom í ljós að hún kemur ekki til móts við norska landsliðið alveg strax. Solberg greindist 16. nóvember með kórónuveirusmit. Solberg segir í samtali við norska fjölmiðla að hún verði áfram í Ungverjalandi þar sem hún býr en komi til móts við norska landsliðið þegar hún fær grænt ljós. Solberg fer á ný í skimun fljótlega eftir helgi.

- Auglýsing -
- Auglýsing -

Nýjustu fréttir

- Auglýsing -