- Auglýsing -

Maður leiksins og í liði umferðarinnar

Haukur Þrastarson leikmaður Vive Kielce. Mynd/Vive Kielce

Selfyssingurinn Haukur Þrastarson er í liði fimmtu umferðar pólsku umferðarinnar í handknattelik. Hann átti stórleik þegar Vive Kielce vann stórsigur á Chrobry Glogow, 45:29, á föstudaginn.


Haukur skoraði þá níu mörk og raðaði frá sér stoðsendingum. Fyrir vikið var hann valinn maður leiksins í fyrsta sinn eftir að hafa komið til félagsins og nú er Haukur í liði umferðarinnar í Póllandi í fyrsta skipti.


Samherji Hauks, franski landsliðsmaðurinn Dylan Nahi, er einnig í liði umferðarinnar en liðið í heild er birt hér fyrir neðan.


Haukur er óðum að ná sér eftir að hafa slitið krossband í hné í lok október í fyrra. Hann hefur jafnt og þétt fengið meiri tíma í leikjum liðsins, jafnt í pólsku deildinni og í Meistaradeild Evrópu.


Haukur og félagar taka á móti Flensburg í fjórðu umferð Meistaradeildar Evrópu á heimavelli í kvöld.

- Auglýsing -
- Auglýsing -

Nýjustu fréttir

- Auglýsing -