Mætum dýrvitlausar á miðvikudaginn

Leikmenn Fram fagna sigri í Coca Cola-bikarnum í byrjun mars 2020. Mynd/HSÍ

„Ég hef ekki skýringar svona rétt eftir leik en kannski má segja að við höfum ekki hitt á okkar besta dag meðan Valsliðið gerði það aftur á móti og margt féll með því. Þar skildi á milli,“ sagði Hildur Þorgeirsdóttir hin þrautreynda handknattleikskona Fram í samtali við handbolta.is eftir sex marka tap Fram fyrir Val í fyrsta undanúrslitaleik liðanna um Íslandsmeistaratitilinn í íþróttahúsi Fram í dag, 28:22.

„Við náðum ekki upp varnarleiknum og markvörslu og þá vantaði okkur hraðaupphlaupin sem eru mikilvægur þáttur í okkar leik,“ sagði Hildur ennfremur.


„Við eigum eftir að leggjast yfir okkar leik í dag fyrir viðureignina á miðvikudaginn. Ég veit að við getum lagað það sem upp á vantar. Við mætum dýrvitlausar til leiks á miðvikudaginn. Úrslitakeppnin í ár er mjög jöfn með fjórum frábærum liðum. Það getur allt gerst,“ sagði Hildur Þorgeirsdóttir, leikmaður Fram, í samtali við handbolta.is í Framhúsinu í dag.

- Auglýsing -

Nýjustu fréttir

- Auglýsing -