Mynd/Neistin

Aganefnd Handknattleikssambands Færeyja hefur kveðið upp úrskurð í kæru VÍF vegna mistaka við framkvæmd leiks liðsins við Neistan, sem Arnar Gunnarsson þjálfar. Liðin áttust við í Höllinni á Hálsi í Þórshöfn 11. okótber.


Telja stjórnendur VÍF að mistök hafi verið gerð á ritaraborði þar sem eitt mark hafi verið ofskráð á Neistan. Ofskráða markið reyndist þungt á metum þegar upp var staðið en liðin skildu jöfn, 35:35, eins og greint var frá á handbolti.is. Þess utan eru liðin í tveimur efstu sætum úrvalsdeildar karla.


Aganefndin segir í niðurstöðu sinni að VÍF ráði því hvort liðið sætti sig við niðurstöðu leiksins eða að liðin mætist á nýjan leik. Fá stjórnendur VÍF mánuð til þess að gera það upp við sig hvorn kostinn þeir velja.

Úrskurðinn er hægt að nálgast hér.

- Auglýsing -

Nýjustu fréttir

- Auglýsing -