Molakaffi: Dmitrieva, Katrín Ósk, Miðjarðarhafsleikar, Arce

Rússneska handknattleikskonan, fyrir miðri mynd, leikur með Krim í Slóveníu á næstu leiktíð. Mynd/EPA
  • Rússneska landsliðskonan Daria Dmitrieva hefur skrifað undir eins árs lánasamning við Krim Ljubljana. Dmitrieva er ein fremsta handknattleikskona Rússa. Hún er samningsbundin CSKA Moskvu. Dmitrieva er önnur rússneska landsliðskonan á tveimur dögum sem færir sig um set frá heimalandinu í þeim tilgangi að leika í Meistaradeild Evrópu. Hin er Anna Vyakhireva sem leikur með Evrópumeisturum Vipers Kristiansand á næsta keppnistímabili.
  • Katrín Ósk Ástþórsdóttir hefur skrifað undir samning við handknattleiksdeild FH. Katrín Ósk sem verður 17 ára í haust. Hún kemur til FH frá Haukum.  

  • Landslið Egypta og Spánverja standa best að vígi í handknattleikskeppni karla á Miðjarðarhafsleikunum sem standa yfir þessa dagana í Alsír. Bæði lið eru taplaus eftir þrjá leiki í riðlakeppninni og bendir margt til þess að þau mætist í úrslitaleik. Ein umferð er eftir af riðlakeppninni. Túnis og Serbía kljást um annað sæti í A-riðli en Norður Makedónía og Alsír í B-riðli þar sem heimamenn standa betur að vígi. 
  • Í handknattleikskeppni kvenna á Miðjarðarhafsleikunum eru þrjú lið án taps fyrir lokaumferðina í riðlunum tveimur. Spánn og Króatía mætast í dag í úrslitaleik um efsta sætið í A-riðli. Serbar eru á hinn bóginn nokkuð öruggir um efsta sætið í B-riðli. Tyrkir og Portúgalir keppa um annað sæti riðilsins. 

  • Spænski handknattleiksmaðurinn Gonzalo Perez Arce fékk samningi sínum við Meshkov Brest í Hvíta-Rússlandi rift en hann átti að ganga til liðs við félagið í sumar frá Ademar Léon. Þess í stað hefur örvhenta skyttan samið við Wisla Plock sem í gær fékk sæti í Meistaradeild Evrópu á næstu leiktíð. Arce skoraði 200 mörk og átti 213 stoðsendingar í spænsku 1. deildinni á nýliðinni leiktíð. 
- Auglýsing -

Nýjustu fréttir

- Auglýsing -