Myndasyrpa: Íslendingar á Partille cup

Hið árlega Partille cup handknattleiksmót hófst í Gautaborg á mánudaginn og stendur yfir fram á sunnudag. Á að giska 600 leikmenn, þjálfarar og fararstjórar eru á mótinu að þessu sinni frá 12 félögum sem senda 53 lið til leiks. Af þeim eru 27 drengjalið og 26 stúlknalið. Í riðlakeppninni spila íslensku liðin 278 leiki, 137 leikir hjá stúlknaliðum og 141 hjá drengjaliðum.

Guðmundur Svansson ljósmyndari í Gautaborg hefur fylgst með mótinu síðustu daga. Hann sendi handbolta.is myndir af nokkrum keppnisliðum og þeim sem eru með í för. Nokkrar af myndum Guðmundar birtast hér fyrir neðan.