Myndir: Hristu úr sér ferðalagið á léttri æfingu

Íslenska landsliðið í handknattleik kvenna kom til Eskilstuna í Svíþjóð um kvöldmatarleytið í kvöld en það mætir sænska landsliðinu á fimmtudaginn í fyrstu umferð 6. riðils undankeppni Evrópumótsins.


Að loknu snarli var farið á æfingu í STIGA Sports Arena þar sem leikurinn fer fram á fimmtudaginn. Létt æfing stóð yfir í 50 mínútur þar sem leikmenn náðu úr sér ferðalaginu.


Æft verður tvisvar sinnum á morgun á sama stað. STIGA Sports Arena er glæsilegt mannvirki sem rúmar 4.400 áhorfendur í sæti. Vonast er eftir að 2.000 áhorfendur verði á leiknum sem auglýstur er víða í bænum, m.a. á auglýsingaskiltum í miðbænum.


Handbolti.is er með landsliðinu í för. Nokkrum myndum var smellt af fyrir æfinguna í kvöld sem haldin var í hluta keppnisalarins.

Hafdís Renötudóttir, markvörður, Dögg Magnúsdóttir, Thea Imani Sturludóttir, Unnur Ómarsdóttir, Ragnheiður Júlíusdóttir og fleiri.
Obba liðsstjóri bauð upp á vatn áður en æfingin hófst.
Slegið á létta strengi, m.a. Rut Arnfjörð Jónsdóttir, Sunna Jónsdóttir, Thea Imani Sturludóttir og Helena Rut Örvarsdóttir.
Unnur Ómarsdóttir, Harpa Valey Gylfadóttir, Helena Rut Örvarsdóttir og fleiri.
Obba dreifir góðgæti til leikmanna sem þegið var með þökkum.
Arnar Péturssson landsliðsþjálfari t.v. og Ágúst Þór Jóhannsson, aðstoðarþjálfari.
Arnar Pétursson fer yfir málin með leikmönnum fyrir æfinguna.
Elín Jóna Þorsteinsdóttir, markvörður og Hlynur Morthens markvarðaþjálfari.
- Auglýsing -

Nýjustu fréttir

- Auglýsing -