- Auglýsing -
Rífandi stuð og stemning var á meðal fjölmargra stuðningsmanna íslenska landsliðsins í handknattleik karla sem komu saman snemma dags á veitingastaðnum Champs í Búdapest. Þar hófst upphitun fyrir stórleik kvöldsins, viðureign Íslands og Portúgal, á EM sem hefst klukkan 19.30 í MVM Dome íþróttahöllinni nýju og glæsilegu í borginni.
Það er Sérsveitin, stuðningsmannafélag íslensku landsliðanna í handknattleik karla sem skipuleggur upphitun á veitingastaðnum fyrir alla leiki íslenska landsliðsins á Evrópumeistarmótinu í handknattleik.
Hafliði Breiðfjörð ljósmyndari leit í heimsókn á Champs og fangaði stemninguna hjá hundruðum Íslendinga sem verða á leiknum í kvöld. Ljóst er að þeir munu ekki láta sitt eftir liggja utan vallar.
- Auglýsing -
