- Auglýsing -

Myndskeið: Ágúst skaut Neistanum í bikarúrslit

Felix Már Kjartansson t.v. og Ágúst Ingi Óskarsson. Báðir lék þeir við góðan orðstír hjá Neistanum í Þórshöfn í vetur. Mynd/Neistin

Íslendingaliðið Neistin komst í kvöld í úrslit í færeysku bikarkeppninni í handknattleik karla annað ári í röð. Neistin vann þá dramatískan sigur, 27:26, í KÍF í síðari leik liðanna sem fram fór í íþróttahúsinu í Kollafirði. Ágúst Ingi Óskarsson skoraði sigurmarkið úr vítakasti.

KÍF vann fyrri leikinn um síðustu helgi, 26:25, á heimavelli Neistans í Þórshöfn. Neistin komst í úrslit á fleiri mörkum á útivelli.


Sigurmark Ágústs Inga má sjá myndskeiði neðst í þessari grein.


Auk sigurmarksins átti Ágúst Ingi stórleik fyrir Neistan í kvöld. Hann skoraði átta mörk og var markahæsti maður liðsins. Felix Már Kjartansson skoraði tvö mörk. Arnar Gunnarsson er þjálfari Neistans annað tímabilið í röð.


Neistin mætir annað hvort H71 eða VÍF frá Vestmanna í úrslitaleik um næstu helgi í Þórshöfn. H71 stendur vel að vígi eftir að hafa unnið fyrri undanúrslitaleikinn með níu marka marka mun, 33:24.

Sigurmark Ágústs fyrir Neistan í Kollafirði í kvöld og fögnuður sem því fylgdi. Smelltu á örina neðst í vinstra horninu.

- Auglýsing -
- Auglýsing -

Nýjustu fréttir

- Auglýsing -