Myndskeið: Silfrið annað árið í röð eftir skotkeppni

Bjarni Ófeigur Valdimarsson leikmaður Skövde t.v. Mynd/Aðsend

Ystad varð sænskur meistari í handknattleik karla í kvöld eftir sigur á Bjarna Ófeigi Valdimarssyni og samherjum í IFK Skövde, 47:46, í fjórðu viðureign liðanna. Leikurinn var mjög sögulegur en ekki nægði að framlengja til þess að knýja fram úrslit. Þau voru ekki fengin fyrr en í skotkeppni, en slíkt er boðið upp á í úrslitakeppni Svíþjóð til að knýja fram úrslit þegar reynt hefur verið áður að fá hrein úrslit á annan hvorn veginn með tveimur framlengingum.


Í skotkeppninni fær hvort lið tiltekinn fjölda af hraðaupphlaupum, einn sóknarmaður gegn markverði, eins og sjá má m.a. á meðfylgjandi myndskeiði.


Þrjátíu ár eru liðin síðan Ystad varð síðast sænskur meistari í handknattleik karla. Liðið hafnaði í fjórða sæti í deildinni en kom eins og stormsveipur inn í úrslitakeppnina. Ystad vann meistara síðasta árs, Sävehof í undanúrslitum og Skövde í úrslitum með þremur vinningum gegn einum. Leikurinn í kvöld fór fram í Ystad.


Bjarni og samherjar verða þar með að gera sér silfrið að góðu annað árið í röð. Skövde hefur aldrei unnið sænska meistaratitilinn karlaflokki. Bjarni Ófeigur skoraði átta mörk í þessum maraþonleik og varð næst markahæstur í liðinu.

a>
- Auglýsing -

Nýjustu fréttir

- Auglýsing -