Alvarlegt ástand í herbúðum GOG

Viktor Gísli Hallgrímsson, markvörður íslenska landsliðsins og GOG í Danmörku. Mynd/EPA

Alvarleg staða er uppi innan liðs dönsku bikarmeistaranna GOG frá Gudme á Fjóni sem Viktor Gísli Hallgrímsson, landsliðsmarkvörður, leikur með. Alls eru nítján úr hópi leikmanna, þjálfara og starfsmanna liðsins smitaðir af kórónuveirunni. Þetta hefur handbolti.is samkvæmt heimildum.

Eftir því sem handbolti.is hefur fengið staðfest er Viktor Gísli ekki í hópi þeirra smituðu.

Ástandið hjá GOG hefur hratt versnað á undanfarinni rúmri viku eftir að tveir leikmenn greindust smitaðir af veirunni. Frá þeim tíma hefur jafnt og þétt hallað undan fæti. Tveir til viðbótar bættust í hópinn snemma í vikunni og aðrir tveir fljótlega þar á eftir, m.a. yfirþjálfarinn.

Grunur leikur ennfremur á að tveir leikmenn Lemvig sem veiktust um miðja viku hafi smitast í tengslum við leik gegn GOG á laugardaginn fyrir viku.

Eftir að smit kom fyrst upp í leikmannahópi GOG fyrir rúmri viku hafa leikmenn, þjálfarar og starfsmenn farið daglega í skimun, síðast í gær þegar enn fleiri greindust smitaðir en áður og færði heildarfjölda smitaðra upp í nítján.

Þetta er eitt fjölmennasta hópsmit sem komið hefur upp hjá handknattleiksliði í Evrópu á keppnistímabilinu og er helst hægt að jafna við þegar allir leikmenn og þjálfarar úkraínska meistaraliðsins Motor veiktust í október eftir keppnisferð til Ungverjalands.

Grunur leikur á að smitið hjá GOG-liðinu megi rekja til heimsóknar þriggja eða fjögurra leikmanna á ölstofu á dögunum

- Auglýsing -

Nýjustu fréttir

- Auglýsing -