- Auglýsing -

Neyðarkall frá Litáen – óvissa um þátttöku á EM í janúar

Elvar Örn Jónsson sækir að vörn Litáa í landsleik í vor. Mynd/HSÍ

Þátttaka landsliðs Litáen á Evrópumeistaramótinu í handknattleik karla í janúar er í mikilli óvissu um þessar mundir. Segja má að velunnarar landsliðsins hafi sent út neyðarkall af þessu tilefni.

Fjárhagur handknattleikssambands landsins stendur á slíkum brauðfótum að svo kann að fara að ekki verði hægt að kosta landsliðið til þátttöku á mótinu. Þar á meðal er ljóst að um þessar mundir getur handknattleikssambandið ekki staðið undir þeim fjárhagslegu skuldbindingum sem fylgja þátttökunni.

Ekki er mögulegt að slá lán upp á framtíðina því þegar ber sambandið þunga skuldabagga.


Frá þessu er greint á vefnum handball-world. Þar kemur fram að nú sé leitað í dyrum og dyngjum að fjármagni til öngla saman fyrir þátttökunni en Litáen vann sér þátttökurétt í lokakeppni EM í fyrsta sinn frá árinu 1998.


Til stendur að landslið Litáen komi hingað til lands í byrjun janúar til tveggja vináttuleiki við íslenska landsliðið áður en haldið verður til Ungverjalands.


Litháar drógust í riðil á EM með Norðmönnum, Rússum og Slóvökum.

- Auglýsing -
- Auglýsing -

Nýjustu fréttir

- Auglýsing -