- Auglýsing -

Níu marka sigur í Skálum

Hörður Fannar Sigþórsson. Mynd/FB-síða Harðar Fannars

Hörður Fannar Sigþórsson og samherjar í KÍF frá Kollafirði færðust upp í þriðja sæti færeysku úrvalsdeildarinnar í handknattleik í dag þegar þeir gerðu góða ferð í Skála og skelltu heimamönnum í STíF með níu marka mun, 32:23.

Leikmenn KÍF voru með tveggja marka forskot að loknum fyrri hálfleik, 14:12. Leiðir liðanna skildu fyrir fullt og fast í síðari hálfleik.

Hörður Fannar var einn þriggja leikmanna KÍF sem skoraði fimm mörk. Hann var einnig aðsópsmikill í vörn liðsins.

Neistin, sem Arnar Gunnarsson þjálfar, er sem fyrr efstur með 9 stig eftir fimm leiki. H71 er í öðru sæti með sex stig eftir fjóra leiki og Hörður Fannar og félagar hafa einnig sex stig en eiga sex viðureignir að baki. VÍF frá Vestmanna er í fjórða sæti með fimm stig.

VÍF mætir Team Klaksvík á heimavelli á morgun. Neistin sækir H71 heim í Hoyvikshöllina og verður þar sannkallaður toppslagur enda á ferðinni tvö bestu lið Færeyja um þessar mundir.

- Auglýsing -
- Auglýsing -

Nýjustu fréttir

- Auglýsing -