- Auglýsing -

Óðinn Þór fer til Sviss í sumar

Óðinn Þór Ríkharðsson var markahæstur KA-manna í sigrinum á Stjörnunni. Mynd/Egill Bjarni Friðjónsson

Óðinn Þór Ríkharðsson hefur skrifað undir þriggja ára samning við svissneska stórliðið Kadetten Schaffhausen. Samningurinn tekur gildi næsta sumar. Aðalsteinn Eyjólfsson er þjálfari Kadetten sem er um þessar mundir í efsta sæti svissnesku A-deildairnnar og hefur ekki tapað leik.

Kadetten Schaffhausen greinir frá þessum tíðindum á heimasíðu sinni.

Óðinn Þór gekk til liðs við KA á síðasta sumri en hefur í þessum mánuði hlaupið í skarðið á skammtíma lánasamnigi hjá Gummersbach í Þýskalandi og staðið sig afar vel. Sem stendur er Óðinn Þór næst markahæsti leikmaður Olísdeildarinnar og í 35 manna landsliðshópnum fyrir Evrópumótið sem hefst í næsta mánuði.


Óðinn Þór er 24 ára gamall hægri hornamaður. Hann var um þriggja ára skeið í Danmörku hjá GOG og Holstebro áður en hann gerðist liðsmaður KA. Auk KA hefur hann m.a. leikið með HK, Fram og FH hér á landi. Óðinn Þór á 14 A-landsleiki að baki.


Auk samningsins við Óðin Þór þá greindi Kadetten frá því í morgun að það hafi einnig klófest Slóvenann Igor Zabic frá og með næsta keppnistímabili.

Auk þess að vera efst og taplaust í svissnesku A-deildinni er Kadetten Schaffhausen ríkjandi bikarmeistari og einnig í riðlakeppni Evrópudeildarinnar. Kadetten varð fyrst landsmeistari í Sviss 2005 og hefur síðan unnið titilinn í 10 skipti til viðbótar.

Björgvin Páll Gústavsson lék með Kadetten Schaffhausen frá 2009 ti 2011 og er eini íslenski handknattleiksmaðurinn sem hefur leikið með liði félagsins.

.

- Auglýsing -
- Auglýsing -

Nýjustu fréttir

- Auglýsing -