Mynd/ J.L.Long

Viðureign Fram og Vals í Olísdeild karla sem til stóð að færi fram í Framhúsinu á sunnudaginn verður frestað. Þetta herma heimildir handbolta.is. Hluti ef ekki allt annað liðið mun vera komið í sóttkví vegna kórónuveirusmits eða í það minnsta vegna gruns um smit.


HSÍ hefur enn ekki gefið út tilkynningu um frestun leiksins sem á að hefjast klukkan 19.30 á sunnudagskvöld.


Dómarar leiksins hafa verið afboðaðir samkvæmt öðrum heimildum svo ljóst er að fátt bendir til þess að leikurinn fari fram á tilsettum tíma.

Uppfært kl. 18.13.
HSÍ var að senda frá tilkynningu um að leikur Fram og Vals hafi verið færður, eins og þar stendur. Engar skýringar eru á færslunni. Aðeins að nýr leiktími verði tilkynntur síðar.

- Auglýsing -

Nýjustu fréttir

- Auglýsing -