- Auglýsing -
HK og handknattleiksmaðurinn Jóhann Birgir Ingvarsson hafa komist að samkomulagi um að samningi þeirra verði rift nú þegar. Engin frekar skýring er gefin á ástæðum þessa en greint er frá á Facebook-síðu HK.
Jóhann Birgir kom til HK á síðasta ári frá FH og skrifaði þá undir samning til ársins 2022. Áður hafði Jóhann Birgir leikið sem lánsmaður frá FH með HK um skeið.
Jóhann Birgir hefur tekið þátt í fjórum af fimm leikjum HK í Grill 66-deildinni á keppnistímabilinu og skorað í þeim 20 mörk.
HK situr í fimmta sæti Grill 66-deildarinnar með sex stig að loknum fimm leikjum og sækir ungmennalið Vals heim á morgun.
- Auglýsing -
