Saga Sif kölluð strax til Svíþjóðar – Hafdís meiddist

Saga Sif Gísladóttir á æfingu landsliðsins í vor. Hún hefur verið kölluð út til Eskilstuna. Mynd/HSÍ

Saga Sif Gísladóttir, markvörður Vals, hefur verið kölluð inn A-landslið kvenna í handknattleik sem mætir Svíþjóð í undankeppni EM 2022 Eskilstuna á morgun. Hafdís Renötudóttir meiddist á ökkla á æfingu í morgun og verður Saga Sif því til taks ef Hafdís verður ekki búin að jafna sig fyrir leikinn á morgun.


Saga Sif kemur til Eskilstuna um hádegið á morgun. Fer frá Íslandi með Icelandair til Stokkhólms eldsnemma í fyrramálið.

Elín Jóna Þorsteinsdóttir er hinn markvörður íslenska landsliðsins sem kom til Svíþjóðar í gær.

- Auglýsing -

Nýjustu fréttir

- Auglýsing -