- Auglýsing -

Selt í fimmta hvert sæti og grímuskylda

Að hámarki 1.500 áhorfendur verða á hverjum leik Íslands í riðlakeppni HM. Mynd/EPA

Heimild hefur verið gefin til þess að selja að hámarki í fimmtung þeirra sæta sem eru í keppnishöllunum fjórum sem leikið verður í á heimsmeistaramótinu í handknattleik karla sem hefst í Egyptalandi síðar í þessum mánuði. Í keppnishöllinni þar sem íslenska landsliðið leikur í riðlakeppninni verða að hámarki 1.500 áhorfendur á leik.

Áhorfendur verða að halda fjarlægð og vera með grímur. Þetta staðfestir Firmaet Tazkarti sem stýrir miðasölu á leiki mótsins í samtali við heimasíðu heimsmeistaramótsins. Hann segir að strangt eftirlit verði með að sóttvarnir verði virtar í hvívetna.


Cairo International Stadium Hall, sæti fyrir 17.000 – 3.400 mega vera að hámarki á leik.
Administrative Capital Hall, sæti fyrir 7.500 – 1.500 mega vera að hámarki á leik.
Dr Hassan Moustafa Indoor Hall, sæti fyrir 5.200 – 1.040 mega vera að hámarki á leik.
Borg El Arab Stadium Hall, sæti fyrir 5.000 – 1.000 mega vera að hámarki á leik.

Íslenska landsliðið leikur í riðlakeppninni í Administrative Capital Hall.
Þrjár fyrstu keppnishallirnar eru í Kaíró en sú fjórða, Borg El Arab Stadium Hall, er í Alexandríu við Miðjarðarhafsströnd Egyptalands.

- Auglýsing -
- Auglýsing -

Nýjustu fréttir

- Auglýsing -