Sigurður heldur hiklaust áfram

Sigurður Bragason t.v. ásamt Grétari Þór Eyþórssyni formanni handknattleiksdeildar ÍBV. Ekki er annað að sjá en báðir séu kampakátir með nýjan samning. Mynd/ÍBV

Sigurður Bragason og handknattleiksdeild ÍBV hafa komist að samkomulagi um að Sigurður verði áfram þjálfari meistaraflokks kvenna. Samningurinn nær til næstu tveggja keppnistímabila.


Sigurður hefur verið þjálfari kvennaliðs ÍBV undangengin þrjú ár og voru báðir aðilar áhugasamir um áframhaldandi samstarf, segir í tilkynningu frá handknattleiksdeild ÍBV.


„Við erum ánægð með að vera búin að tryggja okkur krafta Sigurðar áfram og hlökkum til áframhaldandi samstarfs,“ segir ennfremur í tilkynningu handknattleiksdeildar þar sem einnig kemur fram að Sigurður sé í skýjunum vegna þessa nýja samnings. Hann ætli sér stóra hluti með liðið á næstu árum.


Allir burðarásar BV-liðsins hafa framlengt samninga sína við félagið á undanförnum vikum og mánuðum auk þess sem sagt var frá því í fyrradag að Ásta Björt Júlíusdóttir hafi ákveðið að koma til baka á næstu leiktíð eftir eins árs veru hjá Haukum.


Sigurður hefur þegar tekið til óspilltra málanna ásamt leikmönnum sínum við að undirbúa komandi leiktíð.

- Auglýsing -

Nýjustu fréttir

- Auglýsing -