Skiptur hlutur í Eyjum

Hrafnhildur Hanna Þrastardóttir flutti heim frá Frakklandi til Vestmannaeyja. Ljósmynd/ÍBV

ÍBV og KA/Þór skildu með skiptan hlut, 21:21, í viðureign sinni í Olísdeild kvenna í handknattleik í Vestmannaeyjum í dag en um var að ræða lokaleik fyrstu umferðar deildarinnar. ÍBV var tveimur mörkum yfir að loknum fyrri hálfleik, 13:11, og var með yfirhöndina lengst af leiksins, m.a. var fjögurra marka munur um tíma, 18:14.

Leikmenn KA/Þórs gáfust ekki upp þótt á móti blési og tókst að jafna muninn áður en yfirlauk og tryggja sér annað stigið.

Mikið gekk á síðustu mínútur leiksins og fengu bæði lið fleiri en eitt tækifæri til að tryggja sér sigurinn. Allt kom fyrir ekki, þrátt fyrir að lagt væri á ráðin með leikhléum.

Hressilega var tekist á í leiknum og var leikmönnum alls vísað af leikvelli í 26 mínútur, þarf fóru þrjú rauð spjöld á loft hjá Bjarka Bóassyni og Gunnari Óla Gústafssyni. Í öll skiptin vegna þess að leikmenn fengu þrjár brottvísanir. Tvö rauðu spjaldanna fóru á loft á síðustu andartökum leiksins.

Hrafnhildur Hanna Þrastardóttir var markahæst í liði ÍBV. Hún skoraði sex mörk. Ásta Björt Júlíusdóttir var næst með fimm mörk og Sunna Jónsdóttir skoraði fjórum sinnnum.

Marta Wawrzykowska varði 12 skot í marki ÍBV, sem var 38,7% hlutfallsmarkvarsla.

Hjá KA/Þór var Aldís Ásta Heimisdóttir atkvæðamest við markaskorun. Hún skoraði sex mörk. Rut Arnfjörð Jónsdóttir kom næst með fmm mörk.

- Auglýsing -

Nýjustu fréttir

- Auglýsing -