Halldór Harri Kristjánsson og leikmenn HK fóru vel af stað á Ragnarsmótinu. Mynd/Egill Bjarni Friðjónsson.

„Það þurfti því miður ekki mikið til þess að leikmenn misstu alveg trú á verkefninu,“ sagði Halldór Harri Kristjánsson, þjálfari HK, við handbolta.is í kvöld eftir að lið hans tapaði fyrir KA/Þór, 29:23, í 12. umferð Olísdeildar í Kórnum í Kópvogi. Þótt HK rétti aðeins hlut sinn á síðustu mínútunum þá var það alltaf langt undir m.a. var níu marka munur í hálfleik og 11 mörk eftir 45 mínútur.


„Við vorum búin að leggja upp hvernig ætti að leika, sérstaklega í vörninni. Því miður gekk ekkert af því eftir og í vörninni gerðum við alltof mikið af einföldum mistökum. Strax í stöðunni 3:0 fyrir KA/Þór þá fannst mér orðið mjög dauft yfir öllu hjá okkur. Sóknarleikurinn var víðsfjarri í fyrri hálfleik auk þess sem baráttan og stemningin var horfin lönd og leið og alltof snemma í leik sem við töldum okkur eiga möguleika á að gera eitthvað með réttu hugarfari og spilamennsku.


Við megum bara alls ekki brotna svona fljótt í leik. Vonandi er þetta einsdæmi,“ sagði Halldór Harri Kristjánsson, þjálfari HK, í samtali við handbolta.is í Kórnum í kvöld.


Lið hans er næst neðst í Olísdeildinni með níu stig eftir 12 leiki.


Staðan í Olísdeild kvenna.

- Auglýsing -

Nýjustu fréttir

- Auglýsing -