- Auglýsing -

Sveinn verður frá keppni í hálft ár

Sveinn Jóhannsson samdi við Skjern til eins árs. Mynd/Ívar

Keppnistímabilinu er lokið hjá handknattleiksmanninum Sveini Jóhannssyni hjá danska úrvalsdeildarliðinu SønderjyskE. Meiðsli þau sem Sveinn varð fyrir á landsliðsæfingu hér heima skömmu fyrir Evrópumeistaramótið eru svo alvarleg að hann verður frá keppni í hálft ár.


Sveinn staðfesti þetta við handbolta.is í kvöld. „Hnéskelin fór úr lið og síðan þurfti að gera við brjóskskemmdir í leiðinni. Ég verð því miður frá keppni í sex mánuði,“ sagði Sveinn leikur ekki fleiri leiki með SønderjyskE. Samningur hans við danska félagið rennur út um mitt þetta ár.


Sveinn samdi í desember við þýska 1. deildarliðið HC Erlangen og flyst þar með til Nürnberg í suðurhluta Þýskalands í sumar.


SønderjyskE tapaði í kvöld fyrir Fredericia, 31:28, en um var að ræða fyrsta leikinn í dönsku úrvalsdeildinni á nýju ári.

- Auglýsing -
- Auglýsing -

Nýjustu fréttir

- Auglýsing -