Teitur Örn, annar f.h. ásamt þjálfara og stjórnendum Flensburg. Mynd/Flensburg

Handknattleiksmaðurinn Teitur Örn Einarsson hefur gengið til liðs við þýska handknattleiksliðið Flensburg. Félagið greindi frá því í dag að það hafi samið við Selfyssinginn út yfirstandandi keppnistímabil, eða fram í júní.

Teiur Örn Einarsson í keppnisbúningi Flensburg. Mynd/Flensburg


Koma Teits Arnar hefur þegar verið tilkynnt til Handknattleikssambands Evrópu og verður hann gjaldgengur með liðinu í leik við Veszrpém í Ungverjalandi á fimmtudagskvöld í Veszrpém. Uppselt var á leikinn á sunnudag og ljóst að Teitur Örn mun ekki ráðast á garðinn þar sem hann er lægstur í frumraun sinni með þýska liðinu.


Teitur Örn er fenginn til félagsins á þeim tíma sem meiðsli herja mjög á örvhenta leikmenn Flensburg. Þýski landsliðsmaðurinn Franks Samper er m.a. frá keppni um langt skeið svo og Norðmaðurinn Magnus Röd svo þeir helstu séu nefndir.


Teitur Örn losnaði undan samningi við sænska liðið IFK Kristianstad um síðustu helgi eftir þrjú og hálft ár hjá félaginu. Flensburg mun hafa greitt sænska liðinu fyrir að krækja í Teit.

- Auglýsing -

Nýjustu fréttir

- Auglýsing -