- Auglýsing -

Þeir efnilegu skrifa undir samning á Ásvöllum

Á dögunum framlengdu ungir og efnilegir handknattleiksmenn hjá Haukum samninga sína við félagið. Þetta kemur fram í tilkynningu frá Handknattleiksdeild Hauka. Um er að ræða Jakob Aronsson, Jón Karl Einarsson, Kristófer Mána Jónasson, Magnús Gunnar Karlsson, Þorfinn Mána Björnsson og Guðmund Braga Ástþórsson.


Jakob sem er 18 ára línumaður lék vel með meistaraflokki á undirbúningtímanum en varð fyrir því ólani að fingurbrotna og lék því ekki neina leiki fyrir Covid pásuna. Hann er núna orðinn klár og verður lykilmaður í U-liði Hauka í Grill 66 deildinni ásamt því að leika með meistaraflokki. Jakob hefur verið í 2002/2003 landsliði Íslands og gerði samning fram á sumarið 2024.

Jakob Aronsson

Jón Karl sem er 19 ára vinstri hornamaður stimplaði sig vel inn í fyrsta leik með meistaraflokki á móti Gróttu í haust þegar hann skoraði 4 mörk úr jafnmörgum skotum í fjarveru Orra Freys. Hann meiddist svo á öxl í leik með U-liðinu rétt fyrir Covid pásuna en er að nálgast fyrri styrk og verður mikilvægur hlekkur í báðum liðum.

Jón Karl Einarsson

Jón Karl hefur verið viðloðandi 2000/2001 landslið Íslands og gerði samning fram á sumarið 2024.

Kristófer Máni Jónasson

Kristófer Máni sem er 18 ára hægri hornamaður kom vel inn í meistaraflokkslið Hauka áður en Covid pásan skall á og kom hann við sögu í öllum leikjum liðsins. Hann er einnig lykilleikmaður í U-liðinu þar sem hann hefur leikið undanfarin 3 ár og verið hægt og bítandi að fá stærra hlutverk. Kristófer Máni hefur verið í 2002/2003 landsliði Íslands og gerði samning fram á sumarið 2024.

Magnús Gunnar sem er 18 ára markmaður hefur verið þriðji markvörður meistaraflokks undanfarið í vetur. Auk þess hefur hann verið í U-liðinu síðustu ár þar sem hann fær sífellt stærra og stærra hlutverk. Magnús Gunnar hefur verið viðloðandi 2002/2003 landsliði Íslands og gerði samning fram á sumarið 2023.

Magnús Gunnar Karlsson

Þorfinnur Máni sem er 18 ára vinstri hornamaður hefur verið viðloðandi meistaraflokk á þessu tímabili ásamt því að spila með U-liði Hauka. Þorfinnur var á dögunum valinn í úrtakshóp fyrir 2002/2003 landsliði Íslands gerði samning fram á sumarið 2023.

Þorfinnur Máni Björnsson. Mynd/Haukar

Guðmundur Bragi sem er 18 ára miðjumaður og skytta kom vel inn í meistaraflokkslið Hauka áður en Covid pásan skall á og kom hann við sögu í öllum leikjum liðsins. Þar að auki er hann næst markahæsti leikmaður Grill 66 deildarinnar. Guðmundur hefur verið í 2002/2003 landsliði Íslands og gerði samning fram á sumarið 2024. Hann var lánaður til Aftureldingar um mánaðarmótin.

Guðmundur Bragi Ástþórsson.
- Auglýsing -
- Auglýsing -

Nýjustu fréttir

- Auglýsing -