Þórsarar töpuðu á Ásvöllum

Eldhressir leikmenn ungmennaliðs Hauka eftir sigurinn á Þór í dag. Mynd/Haukar

Þór Akueyri á ekki lengur möguleika á að ná efsta sæti Grill66-deildar karla í handknattleik eftir tap fyrir ungmennaliði Hauka, 34:29, á Ásvöllum í dag.

Þór hefur þar með tapað níu stigum þegar liðið á tvo leiki eftir, Fjölnir hefur tapað átta stigum og á einnig tvo leiki eftir en Hörður stendur best að vígi með sex töpuð stig og á einnig tvo leiki eftir óleikna. ÍR er efst í deildinni, stigi á undan Herði en á aðeins eina viðureign eftir.


Þórsarar náðu sér alls ekki á strik í fyrri hálfleik í viðureigninni við ungmennalið Hauka. Í hálfleik var átta marka munur, 21:13. Segja má að Þórsarar hafi ekki bitið úr nálinni með þetta í síðari hálfleik þótt þeim tækist aðeins að minnka forskot leikmanna Hauka sem fögnuðu sigri og góðri stöðu í fimmta sæti Grill66-deildarinnar með 22 stig þegar tveir leikir eru eftir.


Mörk Hauka U.: Össur Haraldsson 8, Róbert Snær Örvarsson 6, Þorfinnur Máni Björnsson 4, Jakob Aronsson 3, Jón Brynjar Kjartansson 3, Gísli Rúnar Jóhannsson 3, Sigurður Jónsson 3, Kristófer Máni Jónasson 2, Birkir Snær Steinsson 2.
Varin skot: Magnús Gunnar Karlsson 16, þar af þrjú vítaköst. Steinar Logi Jónatansson 1 vítakast.

Mörk Þórs: Arnór Þorri Þorsteinsson 12, Hilmir Kristjánsson 5, Tomislav Jagurinovksi 2, Elvar Örn Jónsson 2, Halldór Yngvi Jónsson 2, Jón Ólafur Þorsteinsson 2, Jóhann Einarsson 2, Viðar Ernir Reimarsson 1, Aðalsteinn Ernir Bergþórsson 1.

Staðan í Grill66-deild karla og næst leikir eru hér.

- Auglýsing -

Nýjustu fréttir

- Auglýsing -